Sa pagtatapos ng unang kabanata ng hit action drama na “The Iron Heart,” isang malaking rebelasyon ang nabunyag tungkol sa pagkatao ni Apollo (Richard Gutierrez) bilang tunay na anak ng lider ng sindikatong Tatsulok na si Priam (Albert Martinez). Dahil sa rebelasyong ito, maari kayang masira ang misyon ni Apollo na tigilan ang pagkalat ng virus at pabagsakin ang Tatsulok?
Hatid ng “The Iron Heart” ang mas marami pang aksyon at rebelasyon sa pagbubukas ng ikalawang yugto na kukuhanan sa bagong lokasyon sa Iloilo City, kung saan sasamahan sila ng mga bagong karakter tulad ni JM de Guzman.
Dagdag pa rito, mapapanood na rin ang mga kaabang-abang na eksena na kinuhanan sa Italy nina Apollo (Richard Gutierrez), Eros (Jake Cuenca), at Ian Veneracion (Menandro).
Tutukan ang "The Iron Heart," 8:45PM sa A2Z, Kapamilya Channel, TV5, Kapamilya Online Live on Facebook and YouTube, Jeepney TV, and TFC IPTV.
Available na rin ang mga pinakabagong episode nang libre sa Kapamilya Online Live, parehong live at on-demand sa Japan, Hong Kong, at Singapore sa pamamagitan ng ABS-CBN Entertainment's YouTube channel.