Puno ng pasabog sa loob ng bahay ni Kuya, kabilang ang pag-amin ni Brx ng kanyang tunay na sarili, double eviction nina Kanata at Marc, pati ang bagong housemates na sasalang din sa "Pinoy Big Brother Gen 11."

Nitong Lunes (Agosto 12), inilahad ng "Seamanluluto ng Bacolod" na si Brx Ruiz ang kanyang tunay na pagkatao matapos aminin kay Kuya na bahagi siya ng LGBTQ+ community bilang proud gay na may same-sex partner for ten years.

Samantala, nagulantang naman ang housemates matapos ang kanilang double eviction night nitong Sabado (Agosto 10), kung saan sabay napalabas ng bahay ang Gen Z housemates na sina Kanata Tapia at Marc Nanninga Jr., na nakakuha ng pinakamababang boto with 11.61% at 5.09%.

Pagkatapos naman ang double eviction nina Kanata at Marc, inanunsyo rin ang papalit sa kanila sa loob ng bahay matapos makapasok ang bagong housemates na sina "Persevering Bunso ng Quezon City" JP at "Smiling Darling ng Camarines Sur" Joli.

Ngayong linggo naman nahaharap sa eviction ang mga nominadong sina Dingdong Bahan/Patrick Ramirez, Brx Ruiz, Jas Dudley-Scales, at Noimie Steikunas.

Sa mga nais bumoto, i-download at mag-sign up nang libre sa Maya app, ang official voting partner ng PBB Gen 11. I-tap lang ang PBB icon sa app para makaboto ng mga nominadong housemate na nais nilang ma-save o evict, at pwedeng bumoto ng 10, 50, o 110 votes na ibabawas sa Maya wallet. Pwedeng makaboto ng 15 beses kada araw.

View this post on Instagram

A post shared by Pinoy Big Brother (@pbbabscbntv)

Abangan ang latest updates sa "Pinoy Big Brother Gen 11" tuwing Lunes hanggang Biyernes, 10:15 PM sa Kapamilya Channel, Kapamilya Online Live, A2Z, TV5, at iWantTFC.

Mapapanood din ito tuwing Sabado at Linggo, 8:30 PM sa Kapamilya Channel, Kapamilya Online Live, A2Z, at iWantTFC, at 9:30 PM sa TV5.