Ruby Ruiz, sumabak sa Hollywood series kasama si Nicole Kidman | ABS-CBN

ADVERTISEMENT

dpo-dps-seal
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!

Ruby Ruiz, sumabak sa Hollywood series kasama si Nicole Kidman

Ruby Ruiz, sumabak sa Hollywood series kasama si Nicole Kidman

Entertainment.ABS-CBN.com

 | 

Updated Jan 25, 2024 09:12 AM PHT

Clipboard

Ramdam na ramdam ang Pinoy pride para sa isa sa mga bida ng “Linlang” na si Ruby Ruiz dahil pinagbibidahan niya ang Amazon Prime Video series na “Expats” kasama ang Hollywood star na si Nicole Kidman.

Parehong dumalo sina Ruby at Nicole sa star-studded premiere night ng “Expats” na ginanap sa New York City kamakailan.

Tinawag ng netizens na “pang-international” ang galing ni Ruby bilang aktres dahil bukod sa role niya bilang isang nanny sa “Expats,” puring-puri rin siya bilang ang mapagmahal na Lola Pilar sa global hit series na “Linlang” ng ABS-CBN.

Samantala, usap-usapan ang pilot episode ng “Linlang: The Teleserye Version” noong Lunes (Enero 22) matapos itong makakuha ng iba’t ibang trending topics sa social media at magtala ng 367,069 live concurrent views sa Kapamilya Online Live.

ADVERTISEMENT

Ikinatuwa ng netizens ang napanood nilang never-before-seen scenes at inaabangan na rin nila ang mas nakakagigil na mga rebelasyon tampok ang mga karakter nina Kim Chiu, Paulo Avelino, at JM De Guzman.

Sagarin ang gigil sa panonood ng “Linlang: The Teleserye Version” gabi-gabi ng 8:45 PM pagkatapos ng “FPJ’s Batang Quiapo” sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment. I-rescan lang ang anumang digital TV box na ginagamit sa bahay, gaya ng TVplus box, para mapanood sa TV5 at A2Z ang mga bagong episode ng “Linlang: The Teleserye Version.” Mapapanood din ito sa labas ng Pilipinas sa pamamagitan ng iWantTFC at The Filipino Channel (TFC) sa cable at IPTV.

ADVERTISEMENT

ADVERTISEMENT

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.