Hello, thank you for calling “It’s Showtime”! Press 1 for good vibes. Press 2 for kantahan. Press 3 for masayang bardagulan. Anuman ang pinagdadaanan, press lang nang press hanggang mawala ang source of stress. I-dial lang palagi ang universe, nakikinig ‘yan and always at your service.

Simulan ang masayang araw with Dionela and R&B King, Jay R, na ang mga boses ay para kang dinuduyan sa alapaap. Please stay on the line kung chill jamming ang ‘yong hanap. Kung ang laging tanong ni Ogie Alcasid ay, “May manager ka na ba?” Iba naman ang reaksyon ni Dionela na si Tito Ogs pala ang idol na gustong-gustong makita.

Energy ay dapat buhay na buhay! Bawal ang matamlay para iwas sa pagiging alay. Sino ang bata mo — Kelsey, Imogen, Kulot, o Briseis? Pili na ng pambato sa "Bata Bata Pick." Good vibes ay umulan, thanks to Ryan Bang, na namahagi ng papremyo sa mga madlang people na deserve mabiyayaan.

Unang nasampolan ng FUNishment si Jackie Gonzaga nang mag-fail si Kelsey against Briseis sa unang challenge. Game naman si Jackie na irampa ang buhok niyang tinease ni MC.

Sumunod na player naman si Ogie. At bumaliktad ang mundo nang si Kim Chiu ang mabunot bilang alay. Sa next round naman, si Ogie ang nabunot na alay ng player na si Bela Padilla. Manalo kaya ang mga bata nila para makaligtas sila sa FUNishment?

Pag-ibig na nabuo noong kabataan ay walang kasintamis. Pero 'pag nagwakas ay wala rin namang kasinsakit. Alamin ang kwento ni Abby, kasama si Mommy Jacqueline, sa "EXpecially For You."

Hindi basta-basta laro lamang ang relasyon na natagpuan ni Abby no'ng high school. Bata man ang mga puso, siya at si ex ay bumuo ng malalaking pangarap. Hindi rin biro ang mga pagsubok na pinagdaanan. Eight years. Five breakups. Parang exciting rollercoaster ride ang ganap. Kaya nang nagtapos sila isang phone call, si Abby ay 'di makabangon. Maging si Mommy Jacqueline ay sinubukang mag-beg sa ex ni Abby, baka sakaling mabuong muli ang puso ng anak.

Sweet memories ay ‘di rin naman malilimutan. Si Abby, may haba ng hair moment nang habulin ni guy sa jeep habang umuulan – K-drama feels! At tuwing hapon, pagkatapos ng eskwela, si guy, dadalaw sa bahay nila Abby at sabay-sabay silang nagmemeryenda with Mommy. Dream nila’y magkaroon ng happy family, kaya muntik na rin silang magpakasal. Pero bakit nga ba na-cancel ang nakatakdang proposal?

Golden mikropono ay sinubukang sungkitin ng mga estudyanteng palaban sa singing, dito sa “Tawag Ng Tanghalan The School Showdown.”

Pagkatapos ng eskwela ay diretso sa pamamasada ng tricycle si Edward Angeles ng Nueva Ecija University of Science and Technology. Sa ngayon ay sa tanghalan muna siya umarangkada bitbit ang awitin na “Ikaw Lamang.”

Noo’y madaling masaktan ‘pag nakakarinig ng negatibong komento, pero ngayon ay mas matapang na para harapin ang hamon ng entablado. Si Janelle Cruz ng Western Mindanao State University, bumirit ng “Feeling Good.”

Matindi ang biritan, kaya si Jackie na-inspire sa pataasan ng boses. Ilang linya pa nga lang ang binibitawan, gong na ang kinalabasan!

Sina hurado Mark Bautista, Klarisse de Guzman, at Nyoy Volante ay bumilib sa mga contestants. Sa huli, hinirang na daily winner si Janelle ng WMSU.

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.

Viewers outside of the Philippines can also catch it on The Filipino Channel on cable and IPTV.