Isa sa mga online sensations na kinagigiliwan ng mga Kapamilya ngayon ay si You Do Note Girl. Marjorie ‘Majo” Lingat sa totoong buhay, binasagan siyang You Do Note Girl dahil sa kanyang sariling bersyon ng ilang iconic lines ni Marga (Andrea Brillantes) at Daniela (Dimples Romana) sa Kapamilya teleseryeng Kadenang Ginto.
Sumikat siya nang maging viral ang kanyang mga linyang “You do note the liar is my peyk!”
Kinagiliwan si Majo ng mga manonood nang mag-guest siya sa Gandang Gabi Vice noong July 28 kung saan first time niyang nakaeksena sa isang skit ang Gold Squad members na sina Andrea, Francine Diaz, Seth Fedelin at Kyle Echarri.
WATCH: You Do Note Girl, naka-eksena sina Marga at Cassie sa GGV
Pinag-usapan din ang kanyang performance sa ASAP Natin ’To kasama sina Maymay Entrata, Edward Barber, AC Bonifacio, Sheena Belarmino at Krystal Brimner.
WATCH: Majo Lingat performs with MayWard, AC, Sheena and Krystal on ASAP Natin ‘To
Nitong September 4 (Miyerkoles), nakipagtagisan naman ng galing sa pagsayaw si Majo kay Lady Pipay sa Umagang Sayawan sa Umagang Kay Ganda. Hindi nagpahuli ang 9 year old na viral kid kay Lady Pipay sa nauuso ngayong You Do Note Dance Challenge.
Panoorin ang kanilang dance showdown sa UKG video na ito.