Mapapanood na ngayong November 18 sa ABS-CBN ang pinakamalaking Korean fantasy romance drama ngayong 2019 – ang Hotel del Luna.
READ: ABS-CBN to premiere Korea’s biggest fantasy romance drama, Hotel de Luna
Iikot ang kwento nito sa isang hotel sa Seoul, South Korea na tanging mga kaluluwa lang ang tumutuloy. Tampok din sa naturang K-drama ang love story nina Nathan na manager ng Hotel del Luna at ni Jang Man-wol na may-ari ng naturang hotel.
Kasama sa mga paksa ng serye ang mapait na nakaraan ni Jang Man-wol bago mapasakanya ang mahiwagang lugar. Tatalakayin din dito ang dahilan kung paano napadpad sa lugar na iyon si Nathan kahit siya ay buhay pa.
Bibida sa naturang K-drama ang Korean pop idol na si IU bilang Man-wol at ang aktor na si Yeo Jin-goo bilang Nathan.