Nilinaw ni Miss Universe 2018 Catriona Gray sa kanyang Tonight With Boy Abunda interview na hindi siya nililigawan ng mga heartthrobs na sina Alden Richards at Sam Milby. Ayon kay Catriona, hindi pa niya nakikilala sa personal si Alden, at ibinahagi rin niya na kaibigan lang niya si Sam, lalo pa’t churchmates silang dalawa at magkasama sa isang talent management.
WATCH: Catriona Gray clarifies that Alden Richards and Sam Milby are not courting her
December 11 nang bumalik sa Pilipinas si Catriona matapos ang isang taong pamamalagi sa New York bilang Miss Universe. Excited na ang fans sa kanyang singing career sa ilalim ng Cornerstone Entertainment, na tahanan din ng maraming Kapamilya artists. Kwento ni Catriona, “[since I was] eighteen years old I’ve always been dreaming about pursuing music and I’m always getting put off or pushed to the sides. And, actually now that I get to pursue it, it’s like ‘oh my goodness’ it’s like another dream.”
Nakalinya rin ang isang publishing project at iba pang trabaho para kay Catriona. Nais din ng dating Miss Universe na ipagpatuloy ang kanyang nasimulang adbokasiya.
Ibinahagi naman ni Catriona bago umuwi ay nakausap pa niya si Gazini Ganados sa Los Angeles. Paglalahad ni Catriona, “she’s happy with her performance and I told her she made our country proud, and we won Best in National Costume!”
Inamin naman ni Catriona na ninerbyos siya noong koronahan si Miss Universe 2019 Zozibini Tunzi dahil “five million [dollars] worth ‘yung crown niyan.” Binulungan din niya si Zozibini ng “please please just be careful with it, and also good luck, you’re so deserving.”