Marami ang nag-aabang sa mga posts ni Julia Montes lalo pa’t naging maugong ang balita na nagdalang-tao ang aktres nang magbakasyon ito sa Germany. Bukod pa rito, naging trending din ang larawan ni Julia habang namimili sa isang supermarket sa San Juan nang magbalik siya sa Pilipinas. At sa latest post ni Julia, ibinida niya ang kanyang short hair na approved din naman ng netizens.
Marami rin ang natuwa nang batiin ni Julia ng simpleng “HBD” ang FPJ’s Ang Probinsyano star na si Coco Martin noong kaarawan nito noong November 1. Ang birthday greeting ay sinamahan pa ni Julia ng kiss at birthday cake emoticon. Matatandaang minsang naugnay ang dalawa matapos magsama sa teleserye na Walang Hanggan noong 2012.
Huling napanood ng mga Kapamilya si Julia sa afternoon teleserye na Asintado noong 2018. Nakasama niya sa naturang proyekto sina Paulo Avelino, Lorna Tolentino, Shaina Magdayao, Aljur Abrenica, Agot Isidro at iba pa.