Ikinatuwa ng fans ang trending video ng Kapamilya heartthrobs na sina Daniel Padilla at James Reid.
Sa naturang video na pinost sa Twitter account ni @walkingeyebrows, ayaw magsayaw ni Daniel kaya naman hinila at halos buhatin na siya ni James papunta sa dance floor. Saglit na sumayaw si Daniel pero agad ding bumalik sa kanyang puwesto na parang nahihiya.
Bukod sa kanyang bagong music label, naghahanda na si James para sa kanyang newest project na “Soulmate,” kung saan makakasama niya ang Momoland member na si Nancy McDonie. Si Daniel naman ay may nakalinyang pagbabalik-teleserye kasama si Kathryn Bernardo ngayong 2020 sa ABS-CBN.