Maagang gumising at bumoto sa kanyang presinto sa Muntinlupa si Matteo Guidicelli. Sinamantala niya ang maiksing pila sa eskwelahan.
“Muntinlupa is really like a family-oriented place. That’s very nice to see especially millennials, the young ones that’s really voting aside from the more seniors,” ani Matteo.
Isa si Celeste Legaspi sa mga senior citizens na hindi pinalampas ang pagboto.
Si Iza Calzado bumoto rin sa Makati at si Vice Ganda sa Sta. Cruz, Manila.
“Naaawa ako at naiinis ako sa mga Pilipinong hindi bumuboto kasi sayang na sayang ‘yung karapatan na yun,” pahayag ni Celeste.
“Bawat boto ay mahalaga, walang botong mas matalino sa isa,” ani naman ni Vice.
“Marami sa atin, manhid na, pathetic pero ‘pag nawalan tayo ng tiwala sa boto natin, sa’n tayo dadalhin nito, ‘di ba?” ayon naman kay Iza.
Dismayado naman si Karla Estrada nang hindi tanggapin ng vote counting machine ang kanilang balota sa Pasong Tamo Elementary School sa Quezon City. Maagang pumila si Karla at kinailangan pang maghintay ng kapalit na machine.
“Sana makita ‘to ng mga halal, hanggang sa pagboto sakripisyo. Bigyan n’yo ng halaga talaga ito dahil hindi din namin naman kayo patatahimikin,” mungkahi ni Karla.
Ang ina naman ni Angeline Quinto ay wala ang pangalan sa voter’s list sa Sampaloc.
“Ngayon, hindi ko na naman nakita ‘yung pangalan niya so sabi sa akin baka kailangan ko nang ayusin sa COMELEC ulit,” pahayag ni Angeline.
Maaga ring bumoto ang ilang celebrities na tumatakbo sa iba’t ibang posisyon gaya ni Jhong Hilario bilang konsehal sa unang distrito ng Makati, Dominic Ochoa bilang konsehal din sa ikalawang distrito naman ng Parañaque.
Bumoto rin ngayong araw si Daniel Padilla, Kim Chiu, Janella Salvador, McCoy de Leon, Angel Locsin, Anne Curtis, at Enchong Dee.
Pagpapakita at pagpapahalaga na pagdating sa karapatang makaboto pantay pantay at nagkakaisa ang boses ng bawat Pilipino.
Ang buong detalye sa pagpapatrol ni MJ Felipe.
If you are in the Philippines, watch the FULL episode on www.iwant.ph
If you are outside the Philippines, watch the FULL episode on www.tfc.tv