May mga bagong shows ang dapat abangan sa Kapamilya network.
Simula February 8, muling iikot ang mga upuan ng mga coaches na sina Lea Salonga, Bamboo, Sarah Geronimo, at Allan Pineda o Apl de Ap para sa bagong edisyon ng The Voice Teens.
Bago pa man opisyal na magsimula ang kompetisyon, naglabas na ng pasilip ang ABS-CBN sa pilot episode nito. Bagong elemento ngayong season ang ‘block button’ na pwedeng gamitin ng coaches para harangin ang isang coach at pigilang makuha ang isang artist.