Bagong bihis ang girl group ng It’s Showtime mula sa pangalang Girltrends, GT na sila ngayon. Sina Chienna Filomeno, Dawn Chang, Joana Hipolito, Krissha Viaje, Mica Javier, Mikee Agustin and Sammie Rimando ang mga miyembro nito.
LOOK: Meet the members of It’s Showtime GT
Kwento nila, mas daring at mas sexy na sila ngayon. Si GT Mika ang siyang nag-compose ng kanilang kauna-unahang kanta na “Breakthrough” na agad nilang ginawan ng music video.
Women empowerment ang mensaheng gustong ipakalat ng GT, patunay dito ang iba’t ibang talento na kanilang ipapakita.
Pero diretsahan nang sinagot ni GT Chienna ang isyung may away sila ng kasamahan niya sa grupo na si Dawn. Laman ng ilang showbiz blogs ang rebelasyon ni Chienna sa Tonight With Boy Abunda.
WATCH: Chienna, hindi nag-deny sa isyung may nakaaway siya sa GirlTrends
Pero sa huling panayam namin kay Chienna, ikinwento niya na nagkausap na sila ni Dawn at naayos na nila ang lahat.
“Siyempre kailangan talagang pag-usapan and management was there also to guide us siyempre hindi naman pwedeng kami lang and it was all in the past na and we’re really happy na it made us stronger as a group,” ani Chienna.
Dagdag pa ni Chienna, mahalaga na nagkakaisa sila sa grupo para maipakita ang kanilang mensahe ng women empowerment.
Ang buong detalye ibinandila ni MJ Felipe.
If you are in the Philippines, watch the FULL episode on www.iwant.ph
If you are outside the Philippines, watch the FULL episode on www.tfc.tv