Excited nang magbalik-tambalan sa bagong teleserye sina Kim Chiu at Xian Lim.
Magce-celebrate ang KimXi fans dahil magbabalik-tambalan sina Kim Chiu at Xian Lim sa bagong proyekto ng Dreamscape na Love Thy Woman. Reunion project ito nina Kim at Xian matapos ang kanilang pinagsamahan noong 2016 sa The Story of Us. Kaya naman bakas sa kapamilya loveteam ang pananabik sa project.
STORYCON PHOTOS: Presenting the powerhouse cast of Love Thy Woman
“No’ng nag-China kami ng December, sabi namin, ang sarap gumawa ng parang Chinese Chinese na [story] tapos nung pag-uwi namin dito after ilang months, mga February, inoffer sa amin ‘to so sabi namin, nagkataon. Tapos hindi pa niya sinabi sa akin na may meeting pala siya sa Dreamscape,” kwento ni Kim.
Gaya ni Kim, labis din ang excitement ni Xian para sa kanilang balik-tambalan.
“I’m really happy to be back and nakakatuwa lang na we’re back in Dreamscape. I think our last Dreamscape project was Binondo Girl at Ina Kapatid Anak pa which is so years ago,” ani Xian.
Para kay Xian, alay din nila ang kanilang proyekto para sa kanilang mga tagahanga na sumusuporta sa kanila mula noon hanggang ngayon.
“This is something for them kumabaga and this is something we’ve been waiting for,” dagdag pa ni Xian.
Sa darating na Mayo, sisimulan na ang shoot ng Love Thy Woman sa direksyon ni Jeffrey Jeturian at mapapanood sa ABS-CBN.
Ang buong detalye sa Umagang Showbiz Balita ni Jeff Hernando.
If you are in the Philippines, watch the FULL episode on www.iwant.ph
If you are outside the Philippines, watch the FULL episode on www.tfc.tv