Matapos ang birthday celebration ni Mommyla (Pilita Corrales) ay hinatid na ni Mona (Jodi Sta. Maria) si George (Gerard Acao) papalabas ng Tagpuan.
Nagulat naman si Mona sa pagsulpot ni Martin (Richard Yap) sa likod niya. Inis namang sinabi ni Martin kung bakit kailangan pang ihatid ni Mona si George at alam naman nito ang daan pauwi. Wala namang masama dito sabi ni Mona dahil lahat ng mga panauhin sa Tagpuan ay hinahatid nila palabas.
Tinanong naman ni Mona kung bakit parang CCTV kung makapansin si Martin sa kanilang dalawa ni George. Masyadong pansinin lang daw silang dalawa sabi ni Martin.
Deretsahang tinanong ni Mona si Martin kung nagseselos ba siya kay George. Todo tanggi naman si Martin at sinabing ayaw niya lang makita si George sa Tagpuan.
Mapapanood na ang inyong favorite Kapamilya shows nang LIVE sa ABS-CBN Entertainment Facebook at YouTube!