Narinig ni Tinay (Miles Ocampo) sa pag-uusap nina Mona (Jodi Sta. Maria) at Ramon (Edgar Mortiz) na pupunta sa Tagpuan ang kanyang kuya na si Leo (Robin Padilla) upang sunduin na siya. Kinabahan naman siya nang malamang maaaring kasama ni Leo si Lisa (Jodi Sta. Maria) sa pagsundo sa kanya.
Nang puntahan ni Mona si Tinay sa kwarto para dalhan ng pagkain, laking gulat niya nang wala na ito doon pati ang kanyang gamit. Tumawag siya agad kay Leo para ipaalam na tumakas ang kanyang kapatid.
Habang patuloy ang paghahanap nina Mona at Leo kay Tinay ay may narinig itong sumisigaw at humihingi ng saklolo sa hindi kalayuang lugar. Nakilala naman ni Leo ang boses ng kanyang kapatid kaya’t pinuntahan nila agad ang pinaggagalingan ng kaguluhan.
Nakita ni Leo si Tinay na hino-holdap at pilit na inaagaw ang bag ng isang hindi kilalang lalaki. Nagtulong sina Leo at Mona na iligtas si Tinay. Napayakap si Tinay sa kanyang Kuya Leo matapos ang insidente.
Mapapanood na ang inyong favorite Kapamilya shows nang LIVE sa ABS-CBN Entertainment Facebook at YouTube!