Masaya si Mommyla (Pilita Corrales) nang makitang magkakasama sina Martin (Richard Yap) at Mona (Jodi Sta. Maria) pati na rin sina Lisa (Jodi Sta. Maria) at Leo (Robin Padilla) sa kanyang birthday dinner.
Hiling naman ni Mommyla na sana lahat ay katulad ng mga taong kasama niya sa gabing iyon, na nakakapag-move on, nagpapatawad at nagsama-samang muli.
Pinasalamatan ni Mommyla si Mona sa pag-share ng sorpresa sa kanya ni Martin.
Inilabas naman ni Martin ang kanyang ‘thank you’ gift para kay Mona para sa pinakitang kabutihan nito sa kanya noong nag-road trip sila. Nagulat at nagpasalamat si Mona sa natanggap na regalo mula sa kanya.
Habang kumakain ang lahat, napansin ni Martin ang pagiging sweet nina Lisa at Leo. Hindi naman maiwasang mapansin din ito ni Tinay (Miles Ocampo). Gumawa ng paraan si Tinay para sirain ang moment na ito nina Lisa at Leo. Nakuha niya ang atensyon ng lahat nang matapunan niya ng juice si Lisa habang sinasalinan ang baso ni Leo.
Mapapanood na ang inyong favorite Kapamilya shows nang LIVE sa ABS-CBN Entertainment Facebook at YouTube!