Pag-ibig nga ba ang solusyon para makaahon ang dalawang taong lulong sa masamang bisyo?
Tunghayan sina Xian Lim at Shy Carlos sa kanilang naiibang pagganap bilang magkasintahang kapwa gumagamit ng droga na mag-iiba ang pananaw sa buhay dahil sa pag-ibig ngayong Sabado (Sept. 2) sa “MMK.”
Nang makita ni Randy ang paghihirap ng kanyang ina, sinakap niyang makatulong sa pamilya bilang isang macho dancer. Ngunit dala ng pakikipagkaibigan, nahimok siya ng mga ito gumamit ng droga upang maibsan lang ang lungkot na nararamdaman.
Sa gitna ng kanyang pinagdaraanan ay makikilala niya si Mutya (Shy), isa ring katulad niyang gumagamit ng droga. Madalas silang magkakasama at sabay na gagamit nito na siyang magbibigay-daan para magkalapit ang loob nila sa isa’t isa.
Paano nabuo ang kanilang pagtitinginan? Ano kaya ang nag-udyok sa kanila para magbagong buhay? Anong mga hamon ang kinaharap nila sa matinding desisyon na ito?
Makakasama din sa upcoming episode sina Nonie Buencamino, Shamaine Buencamino, Junjun Quintana, Marc Acueza, Lloyd Zaragosa, Tom Doromal, at Bea Basa .
Ang episode ay sa ilalim ng direksyon ni Mae Cruz-Alviar at panulat ni Benson Logronio. Ang “MMK” ay pinamumunuan ng Star Creatives COO na si Malou N. Santos.
Abangan ang longest-running drama anthology sa Asya, ang “MMK” tuwing Sabado ng gabi sa ABS-CBN. Para sa karagdagang updates, i-follow ang @mmkofficial sa Facebook, Twitter, at Instagram.