Hinamon ni Vice Ganda si Ate Girl Jackque Gonzaga na halikan siya para patunayan ang kanyang pag-ibig nito sa kanya. Ayon kay Vice, desisyon daw ni Jackque kung saan siya hahalik. Game naman itong ginawa ni Jackque na hinalikan ang ulo ni Vice. Dahil ginawa ito ni Vice kay Jackque, biniro ng It’s Showtime hosts ang Unkabogable Star na hamunin din si Kuya Escort Ion Perez.
Ayon kay Vice, hindi raw ito kaya ni Ion. Iginiit naman ni Ion na kaya raw niya itong gawin kaya hinamon na ito ni Vice, “Sige nga, kung mahal mo ako, halikan mo ako!” Nagdalawang-isip pa si Ion noong una, pero inabot niya ang mukha ni Vice at tila handang tanggapin ang hamon. Kilig na kilig na sana ang madlang people, pero bago dumampi ang labi ni Ion, napaatras si Vice. Nang tanungin ng hosts si Vice bakit siya umatras, ang tanging nasagot lang nito ay “Dahil hindi ko kaya!”