Madlang People, kung bibilangin, mahigit limang libong FUNanghalian na ang ating pinagsamahan. Through the years, hindi n'yo kami iniwan, umaraw man o umulan.

Simula na ng ating 'Kinseyyy' anniversary celebration! Magsasaya ang buong nation! Bilang salubong sa ika-15 taon ng "It's Showtime," isang mapusong jamming ang pinagsaluhan ng 'Showtime' family at ng ilang “Tawag Ng Tanghalan” hurados–Prince of Pop, Dingdong Avanzado; Philippines' Soul Diva, Klarisse de Guzman; at Divine Diva, Zsa Zsa Padilla.

Ang mga awit na ito ay may hatid na kwento–mga kwentong sumasalamin sa ating samahan sa loob ng 15 taon. Happy crystal anniversary, Madlang People! At mahaba-haba pa ang ating pagsasamahan for sure! Walang magbabago, promise?

Ito pa ang hindi magbabago–ang tradisyon ng paghahatid ng umaatikabong pasiklaban sa Magpasikat! Buena mano ang grupo nina Vice Ganda, Karylle, at Ryan Bang. Ang 'Showtime' family, hindi napigil ang curiosity kaya nakisilip sa paghahanda ng team. Pero, ano 'to? Si Vice, male-late? At si Ryan, naliligo pa lang? Napa-react tuloy si Anne Curtis, "Huh? Hindi naliligo si Ryan!"

Nakilala na rin natin ang mga hurado para sa 'Magpasikat 2024–Direk Rory Quintos, actress Alice Dizon, Kapamilya heartthrob Donny Pangilinan, Kapuso star Gabbi Garcia at former ABS-CBN President Freddie "FMG" Garcia.

Pasabog ang opening act ng "Magpasikat 2024" dahil sa mapuso at madamdaming theatrical prod ng Team Vice Ganda-Karylle-Ryan Bang. Ang kanilang pagtatanghal, featuring real-life stories of hope, ay siguradong tatagos sa puso ng mga Pilipinong sinisikap makahanap ng liwanag sa gitna ng kadiliman.

Ibinahagi nina Vice, Ryan at Karylle ang mga pagkakataong nakita nila ang pag-asa sa kabila ng mga pagsubok. Dagdag-inspirasyon at excitement naman ang hatid ng kanilang celebrity guests tulad nina Carlos Yulo at Awra Briguela, na nagbahagi rin ng kanilang 'kwento ng pag-asa.' Isang awitin naman na akma sa tema ang inilaan ng OPM group na SB19. Bumuhos din ang emosyon sa kwento ng mga ordinaryong Pilipino na sinsikap bumangon gamit ang pag-asa bilang sandata. Instant reunion naman ang regalo nina Vice, Karylle, at Ryan sa isang pamilya na hindi nawalan ng pag-asang darating ang araw na sila'y muling magkakasama.

Kung may mas magle-level up pa sa salitang bongga, ganyan ilalarawan ni hurado Direk Rory ang prod number ng first group. Eyyy-mazing din ang naging komento ni hurado Alice , na pigil na pigil daw ang pagluha habang pinanonood ang buong performance.

Binigyang-pansin naman ni hurado Gabbi ang pagiging relevant ng konspeto ng 'pag-asa.' Sabi nga ni hurado Donny, 'We felt that."

Kayo, Madlang People, naiyak din ba kayo sa ipinamalas ng Team Vice, Karylle and Ryan?

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.

Viewers outside of the Philippines can also catch it on The Filipino Channel on cable and IPTV.