Pinatunayan nina Kim Chiu, Amy Perez, at Karylle na 'women are gold' matapos tanghalin bilang Magpasikat 2021 grand champion para sa kanilang performance tungkol sa women empowerment nitong Sabado Nobyembre 27 sa "It's Showtime."
Nagbigay pugay ang team KAK sa mga babaeng atleta ng bansa at ipinakita ang katatagan, kagalingan ng mga babae sa kanilang maalab na performance. Ang kanilang napalanunan na P200,000 ay ibibigay nila sa Girl's Got Game foundation na tumutulong sa mga batang babaeng atleta.
WATCH: Team Karylle, Amy and Kim pays tribute to Pinays in sports in empowering, fiery Magpasikat 2021 performance
Panalo naman sa second place ang team nina Vice Ganda, Jackie Gonzaga, at Ryan Bang na naghatid ng madamdaming performance sa mga taong nawalan ng pamilya sa gitna ng pandemiya. Binigyan din nila ng panahon ang ilang madlang people para makapagpaalam sa kanilang minamahal.
WATCH: Team Vice-Ryan-Jackie delivers tear-jerking, heart-rending performance for Magpasikat 2021
Nag-uwi naman ang parehas na team nina Ogie Alcasid at Vhong Navarro na pinaalala ang mga larong Pinoy at team nina Jugs Jugueta, Teddy Corpuz, at Ion Perez na isinama ang madlang people sa kanilang interactive performance ng P50,000 para sa kanilang napiling beneficiaries.
WATCH: Team Vhong and Ogie re-introduces “Larong Kalye” the modern, interactive way in Magpasikat 2021 number
WATCH: Team Jugs-Teddy-Ion entertains with interactive “Madlang Pi-poll”-inspired Magpasikat 2021 presentation
Inabangan din ng maraming Pilipino ang Magpasikat performances dahil naging trending topic worldwide ang hashtag ng show na #ShowtimeMagpasikat2021 habang ang #TeamVhongOgie, Karylle, Team VICERYANJACKIE, Team JUGSTEDDYION, Kim Chiu ay naging trending topic naman sa Twitter Philippines.
Panoorin ang “It’s Showtime” mula Lunes hanggang Sabado sa A2Z, Kapamilya Channel, Kapamilya Online Live sa YouTube channel at Facebook page ng ABS-CBN Entertainment, pati na rin sa iWantTFC app o iwanttfc.com. Mapapanood din ito sa labas ng Pilipinas sa The Filipino Channel.