Madadamay si Ejay Falcon sa kaso ng panghoholdap at pagpatay ng isang lalake sa isang taxi driver sa hit legal drama na “Ipaglaban Mo” ngayong Sabado (Oct. 28)
Para makuha ang loob ng ina ng kasintahan, nagsumikap si Joel (Ejay) sa pamamasada ng taxi para makapag-ipon ng kanyang pangtapos sa kursong seaman.
Ngunit hindi inaasahang malagay lahat ng kanyang pangarap sa alanganin nang maging saksi siya sa panghoholdap at pagpatay ng binatang si Aries (Sandino Martin) sa kapwa niya taxi driver na si Ramon (Kiko Matos). Siya lang ang tanging susi para mabigyan ng hustisya si Ramon.
Tumestigo kaya si Joel sa kabila ng pangambang balikan siya ni Aries?
Huwag palampasin ang episode ng “Ipaglaban Mo” na pinamagatang “Pasada” sa ilalim ng direksyon ni Myla Ajero-Gaite ngayong Sabado (Oct.28), pagkatapos ng “It’s Showtime” sa ABS-CBN o sa ABS-CBN HD (SkyCable ch 167) na may replay tuwing Miyerkules sa DZMM TeleRadyo at DZMM Radyo Patrol 630.
Para sa updates, i-follow ang @IpaglabanmoABSCBN sa Instagram, @IpaglabanMoCh2 sa Twitter, o i-like ang sa Facebook.