Napatunayang guilty sa pamamayagpag ngayong Hunyo ang hit legal drama na “Ipaglaban Mo” ng ABS-CBN matapos umariba ang lahat ng first anniversary episode nito sa national TV ratings. Nakuha ng programang pinangungunahan nina Atty. Jose at Jopet Sison ang pinakamataas nitong ratings na 17.2% nationwide sa episode na “May Hangganan ang Lahat” kung saan ginampanan ni Andi Eigenmann ang papel ng isang battered woman. Tinalo nito ang kalaban sa GMA na “Karelasyon” na may 10.6%, Panalo rin ang episodes na “Nakaw na Sandali” tampok sina Erich Gonzales at Daniel Matsunaga na may national TV rating na 15.6% kontra sa kalaban na may 11.5% at episode na “Pusong Mapanlinlang” tampok si JC De Vera, Carla Humphries, at Ingrid Dela Paz na pumalo sa 15.2% vs “Karelasyon” na may 11.1%. Sa pagtatapos ng anniversary month, isang makapangyarihang pagganap ang ihahandog ng beteranang aktres na si Janice De Belen bilang si Josie, inang OFW ng isang menor de edad na makailang ulit na ginahasa nang mismong kapatid nito sa ama habang siya ay nasa ibang bansa. Sa loob ng isang taon, mas pinalawig ng programang “Ipaglaban Mo” ang kaalamang legal ng mga manonood at mas iminulat ang mga ito sa kanilang mga karapatan at pananagutan sa batas. Sa pangunguna ng hosts na sina Atty. Jose at Jopet Sison, nakapagpaabot din ng free legal consultation sa publiko sa pakikipagtulungan sa Tulong Center ng ABS-CBN. Pakatutukan ang “Ipaglaban Mo” ngayong Sabadp (June 27) sa direksyon ni Jerry Lopez Sineneng pagkatapos ng “It’s Showtime” sa ABS-CBN. Para sa updates, sundan ang mga social media account nito nawww.Twitter.com/IpaglabanMoCh2, www.Instagram.com/IpaglabanmoABSCBN, atwww.Facebook.com/IpaglabanMoABSCBN. Samantala, maaari na ring panoorin ang full episodes o past episodes ng “Ipaglaban Mo” gamit ang ABS-CBNmobile. Pumunta lamang sa www.abscbnmobile.com para sa karagdagang impormasyon.