Kumapit na sa makapigil-hiningang mga tagpo sa nalalapit na pagtatapos ng hit afternoon seryeng “FlorDeLiza” ngayong Biyernes (Aug 28).

Aabot na nga sa sukdulan ang kasamaan ni Daisy (Valerie Concepcion) lalo pa’t wala na ang tunay na ina ni Flor (Ashley Sarmiento) na si Ida (Jolina Magdangal). Dudukutin nito sina Flor pati na rin si Liza (Rhed Bustamante) na magdudulot ng isa na namang malaking dagok sa kanilang pamilya. Parehong malalagay sa alanganin ang magkapatid at isa lang ang maaring iligtas ni Crisanto (Marvin Agustin) mula sa pagkakahulog sa bangin. Sino ang mamamaalam? Sino ang pipiliin ni Crisanto? Paano magbabayad si Daisy sa kanyang mga kasalanan?

Pakatutukan ang huling mga tagpo sa “FlorDeLiza” ngayong linggo sa Kapamilya Gold ng ABS-CBN.

Para sa karagdagang impormasyon, sundan lamang ang official social media accounts ng programa sa Facebook.com/FlordelizaPH, Twitter.com/FlordelizaPH at Instagram.com/ FlordelizaPH.