Saludo si Vice Ganda sa mga masisipag na labandero’t labandera na naging songbayanan noong Agosto 8 episode ng Everybody Sing!.
“Kasama kayo kung bakit kami gumaganda, kung bakit maayos ang hitsura naming, kung bakit kami malinis at kaaya-aya,” ani Vice na nag-ala Beyonce sa Agosto 8 na episode.
Hindi pinalad mahulaan ang sampung awitin sa jackpot round ng songbayanang labandero’t labandera ngunit nag-uwi pa rin sila ng P35,000, bukod pa sa indibidwal na cash prize na natanggap ng bawat player sa mga naunang round.
Daragdag sila sa mga Pilipinong naapektuhan ang hanapbuhay dahil sa pandemya na kahit papaano ay nabigyan ng saya, pagkilala, at tulong ng community singing game show ng ABS-CBN kung saan lahat ay nagtutulungan at walang umuuwing luhaan.
Samantala, hangad ding matulungan ng Everybody Sing! ang iba pang sektor na lubos na apektado ng pandemya tulad ng construction workers, national athletes, pageantry winners, stage performers, at vloggers. Sa mga nais sumali sa game show, mag-message sa Facebook page ng Everybody Sing! (Facebook.com/EverybodySingPH) o mag-email sa everybodysingsph@gmail.com. Bukas din ang programa sa mga komunidad at organisasyon na gusto maglaro at makakabuo ng 25 players.
Anong grupo kaya ang susunod na makikikanta? Sila na kaya ang susunod na mananalo ng P500,000 jackpot prize? Abangan sa Everybody Sing! kasama si Vice Ganda at ang resident band na Six Part Invention tuwing 7 pm ng Sabado at Linggo sa A2Z, Kapamilya Channel, Kapamilya Online Live, iWantTFC, at TFC. Para sa latest tungkol sa Everybody Sing! i-follow ang @EVERYBODYSINGPH sa Facebook, Twitter, at Instagram.