Handog ng ABS-CBN sa Asianovela fans sa pagbubukas ng buwan ng Mayo sa nakatakdang pagbabalik telebisyon ng bagong Meteor Garden ngayong Lunes (Mayo 4).
Sundan muli ang kwento nina Shancai at Daoming Si at kung paano nila ipinaglaban ang kanilang pagmamahalan, kasama ang mga miyembro ng F4 na sina Huaze Lei, Fang Meizuo, at Ximen Yan, sa pagbabalik ng Meteor Garden tuwing hapon.
Una nang umere ang 2018 remake ng sikat na Asianovela ABS-CBN noong Agosto 2018, at mainit itong tinanggap ng mga manonood matapos itong magkamit ng 21.4% national TV ratings para sa pilot episode nito.
Matutunghayan naman ang Meteor Garden bago mag-TV Patrol.