Kwentong puno ng inspirasyon ang ibabahagi ng “Maalaala Mo Kaya” ngayong Sabado (Agosto 8) sa muling pagbabahagi nito ng nakaaantig na life story ng kauna-unahang “The Voice Kids” grand champion na si Lyca Gairanod.

Gagampanan ng batang singing champ sa “MMK” ang kanyang sarili. Tuklasin sa kwento ng buhay ni Lyca ang lahat ng paghihirap na kanyang pinagdaanan para maabot ang kanyang mga pangarap at mabigyan ng magandang buhay ang kanyang pamilya.

Kasama rin ni Lyca sa upcoming episode ng “MMK” sina Malou de Guzman, Ronnie Lazaro, EJ Jallorina, Kokoy de Santos, Amy Nobleza, Jahren Estorque, Ian Galliguez, Marney Lapuz, Pepe Herrera, at Che Ramos. Ang episode ay sa ilalim ng direksyon ni Nuel Naval, at panulat nina Benson Logronio at Arah Jell Badayos.

Ang "MMK" ay pinamumunuan ng business unit head nito na si Malou Santos. Huwag palampasin ang longest-running drama anthology sa Asya, "MMK" tuwing Sabado ng gabi pagkatapos ng "The Voice Kids" sa ABS-CBN.

Para sa iba pang updates, mag log on sa MMK.abs-cbn.com, sundan ang @MMKOfficial sa Twitter, at i-like ang Facebook.com/MMKOfficial. I-tweet ang inyong saloobin at opinyon kaugnay ng episode ngayong Sabado gamit ang hashtag na #MMKLyca. Samantala, maaari na ring panoorin ang full episodes o past episodes ng “MMK” gamit ang ABS-CBNmobile. Pumunta lamang sa www.abscbnmobile.com para sa karagdagang impormasyon.