Hindi magiging maganda ang kwento ng bida sa isang teleserye kung wala ang mga kontrabidang dahilan ng pagngingitngit natin sa araw-araw. Kung pwede lang silang ipakulong agad-agad sa mga kasalanang nagawa nila siguradong isa ka sa magiging testigo sa korte bilang isang masugid na manonood. Kaya masasabi nating guilty ka sa pagiging isang teleserye addict at guilty sila sa pagiging panalong kontrabida ngayong 2015. Narito ang listahan ng masasamang gawain ng ating magagaling na teleserye kontrabida kasama ang naiisip naming hatol sa kanila.

Police S/Insp. Joaquin S. Tuazon (Arjo Atayde)
 

Tagos sa buto ang bawat panghahamak niya kay Ador lalo na kay Cardo sa FPJ's Ang Probinsyano. Lagi ka nagtatanong kung bakit nasa posisyon pa rin siya sa kabila ng mga kalokohan niya kasama ang amang kriminal. Magagawa mo bang magsumbong sa isang pulis kung maaaring kakampi rin niya ang pagsusumbungan mo? Sa dami ng kanyang atraso, ang hatol sa kanya ay LIFE IMPRISONMENT.

 

1 | 2 | 3 | 4 | 5